#coronaकोरोना वायरस -वईं सरक लागजे मत

भाई न होणी राम राम
बठो  वात विचार करा नs खास वात या की इणी धरती का  अवखा देस नमण कोरोना नाव को वायरस  घेरायलो छे तम कवो की वायरस कई कवाणयो तो यो असि बीमारी को नानो जीव छे,अपण एख  देखी नी सकता हाई। यो डोळा न सी दिखातो नी हाई पण यो घणो खतरनाक छे क्योकि जेख होय तो होय पण दूसरा खs भी लगी जाय ज तो अपण कोई खs ज्यादा चोइटा नी लाग् बिलाग सी बचा कोई लाग् तो कइ देवा "वई  सरक लागजे मत "क्योकि अपन ख नी मालूम कि जेका सी भेळा हुया उन का सी या बीमारी अपण ख भी लगी सकज ...एका लेण सबसे पयली वात गळा नी मिला दूसरी वात अपणा हाथ मजेका आधा मिनिट तक धोवा । अपणा बुढ़ा -आणा नs खsभी मजेका हाथ धोवाड़ा । 
बायर नी जावा घर म रय नु ज ऐका सी सबसे बड़ो बचाव छे।
गरम पाणी पीता रवा, ठंडी चीज नs ख s  खाणा सी बचा। सर्दी जुकाम नी होण देवा क्योकि यो नाक सी न s मुड़ा सी स्वास नली मs जायज नs उका मs जमी जायज नs मनुस को दम खोटा ण लगज।
या वात कवा की कदी हुई जाय तो घबराणु नी फिरि जसा डॉक्टर होण कय उनकी सलाह मान नु  क्योकि इनी धरती प वो अपणा भगवान आय। वो रात रात भर अपणी सेवा न दई रयाज
असा सेवा भावी लोग न ख नमन करा उनको हमारा प घणो अवसान छे।
नs अपण अपणा घर न म ण रय न न इन की नs अपनी हिपाजत करा। घर मs रयण  का लेण अपनी सरकार न सब न खs घर  म रयण को कयो जेख अपन लॉक डाउन  कई रयाज,
न s अभी अवखा देस म काम काज बंद छे कवा अवखा देस म ताळो लागेला छे।भाई जेख या बीमारी हुई गई या अंदेसा भी वह तो वो अपणा आप ख सब न सी अल्लग करी लेज  न योज'कोरेन्टीन' कर णु कवाज  न कवा दुनिया का मुकता देश छे जसो अमेरिका, इटली, स्पेन वा की हालत तो अपणा देश से भी बुरी छे अपणी हालत असी होय  ओका सी पयल जs सभंळई जावा तो असो कवा की अपण सब कोरेन्टीन हुई जावा,न सब एक साथ मिली न नs इनी विश्व व्यापी बीमारी से लड़ा।
आज या जs खास वात तमारा सी करणु थो तम आपणो भी धयान धरो नs अपणा न को भी ध्यान राखो।
हम चल्या तम बैठो...कां जावा घर मs ज बट्याज भाई  ...राम राम।